Доступний єст уж новий номер двомісячника «Бесіда», выдаваного Стоваришыньом Лемків. В найновшым выданю можете прочытати інформацийны, історычны, науковы, публицистычны і інчы статі. Єст тіж місце на русиньску літературу і гумор.
То поконґресовий номер, котрий обнимат обшырну реляцию з ХІІІ Світового Конґресу Русинів і VІІІ Світового Форуму Русиньской Молодежы, проходячых в дн. 19.-21. червця в румуньскым місті Дева, а окрем того в номері прочытате м.ін. о:
- 4. уродинах радия лем.фм,
- 90. роках «Русского дому» в Пряшові,
- знищыню нагробного памятника Ваня Гунянкы во Львові,
- 70. річниці анексиі Підкарпатской Руси через Сталіна,
- прогульці студентів лемківской філолоґіі по Лемковині.
Особливом частю остатньой «Бесіды» сут, переведены на лемківскій язык, конкурсовы творы Олі Пелехач (І місце), Юлияна Фурмана (ІІІ місце) і Магдалины Кузмич (выріжніня), котры были нагороджены в катеґориі старшых кляс основных шкіл на конкурсі Культура нацийональных меншын малювана словами (позерайте на статю і знимкы з той подіі – за тым мотузком).
Заохочаме до чытаня!
Передня окладинка двомісячника «Бесіда», но. 4 (145), липец-серпен 2015, фото: П. Басалыґа
Часопис «Бесіда» то двомісячник, пресовий орґан Головного Заряду Стоваришыня Лемків, котрий выходит од 1989 р. Посвячений єст збережыню істориі, культуры і языка Лемків, інформуючий о жытю нашой і братніх нам соспільности, плекаючий вірні надіі прадідів і вітців.
«Бесіду» мож почытати в бібліотеці Руской Бурсы в Ґорлицях, котра отворена єст в каждий понедільок в годинах 14.00-18.00.
Коментарі