Новорічна стріча президентской пары з представниками реліґій, віроісповідань і меншын

В понедільок, 15. січня/януара 2018 рока, в Президентскым Палаци в Варшаві одбыла ся стріча Анджея Дуды, Президента Польской Республикы, і його жены – Аґаты Корнгаусер-Дуды, з представниками ріжных реліґій, віроісповідань та членами нацийональных, етнічных і языковых меншын, прожываючых в Польщы. То каждорічна подія, котра циклично проходит в околици Нового Рока.

Реліґійны спільноты зачали новорічну стрічу короткыма молитвами подля свойого обряду, пак выступил президент Аджей Дуда, підкрисляючы значыня вельореліґійности і вельоетнічности Польской Республикы, на котру складают ся члены реліґійных спільнот та нацийональныx, етнічных і языковыx меншын. Од імене Спільной Комісиі Уряду та Нацийональных і Етнічных Меншын (СКУтНІЕМ) выступил представник німецкой меншыны, Бернард Ґайда. Наконец, вшыткы присутны складали сой желаня з нагоды Нового Рока.

Знимка: YouTube / prezydent.pl