Перше нюйоркскє студийо Е. Варголя на продай за $10.000.000!

Як заявлят сайт www.ny.curbed.com, перше місце працы Енді Варголя в Ню Йорку є тепер выставлене на продай за ціну $10 000 000. Варгольове студийо то бывший двоповерховий будинок пожарной ремізы, котрий находит ся в на нюйоркскым Мангатані, в обшыри Upper East Side.

Король поп-арту зачал нанимати сес будинок од 1962 рока, коли місто Ню Йорк пристало на його просьбу. Варголь был змушений найти нове місце, понеже єден з його творів был за великій і не надавал ся до выгідного переховуваня в мешканю його мамы – Юлиі Вархолы (Завацкой), котра на тот час жыла пару улиц дальше – на Lexington Avenue, медже 89′ а 90′ улицями. Будинок был наниманий за 150 $/місяц, але по році Енді рішыл перенести ся на East 47′ улицю, де находило ся його правдиве студийо – Factory (про форму навязаня до того місця в краківскым музею МОЦАК – інфромували сме гев).

Влони, за суму $13.750 был проданий, підписаний Е. Варголом, документ, потверджаючий нанятя того будинку. Знимкы і більше інтересуючых дрібниц про аукцию документу можете найти за тым мотузком.

за: www.ny.curbed.com