По лемківскы в Бічу

В минулу пятницю, 20. марця, до біцкой гарцівкы, на запрошыня друга Патрика Потикановича, приіхали з візитом Мірка Кобаса і Анджеліка Копча, Лемкыні з Бортного. Ци была то товариска стріча? Певно і дакус была, але дівчата приіхали до Біча зато, же біцка гарцерска дружына захотіла пошырити своє знаня о Лемках і лемківскій культурі. Як можеме прочытати на фейсбуковым сайті дружыны – дівчата оповідали так цікаві і стріча была так інспіруюча, же на певно на тій єдній ся не скінчыт!