Почтовий значок з лемківском церквом

Як заявлят сайт www.filatelistyka.poczta-polska.pl, од 18. грудня/децембра т.р., буде продаваний колекцийонерскій почтовий значок, котрий представлят м.ін. церков св. Параскєвы з лемківского села Квятон, котра остала в 2013 році вписана на Листу Світового Дідицтва Юнеско.

Емісийня ціна єдной штукы то 5 зл. Значок о вымірах 54 x 40,5 мм буде печатаний в тиражу 400.000 шт. в кольоровій версиі та, окрем того, 10.000 шт. в біло-чорній. Каждий аркуш, котрий выйде уж о пару днів, буде мал 4 значкы.

Більше інформаций найдете за приведеным горі мотузком.

21. червця/юния 2013 рока до списку Світового Дідицтва Юнеско остало вписаных 5 храмів з обшыри Лемковины. Сут то церкви св. Михала Архангела в Туриньску, св. Якова в Поворознику, св. Параскєвы в Квятони, св. Михала Архангела в Брунарах Выжніх, Покровы Пресвятой Богородиці в Рыхвалді. Окрем тых вписаны были два інчы храмы з обшыри Підкарпатской Руси, церков святого Михала в селі Ужок і церков Вознесіня Господнього в Ясині. Більше про впис на Листу Юнеско – чытайте за тым мотузком.