Потупайка в Кракові #3

Хоц май то істо тяжкій місяц для студентів (сесия, першы еґзаміны, зарахуваня ітд.), не зохабляют они нагоды на тото, жебы іщы бодай послідній раз в тым академіцкым році 2016/17 побавити ся разом перед поворотом дохыж зо студентскых осередків. Найближе Лемковины по пілнічній стороні Карпат находит ся Краків. В тым же місті студиює більшіст лемківской молодежы з Лемковины, але не бракує там і Лемків з чужыны, якы хоц не все там студиют, то бодай заходят час-до-часу, ідучы на Лемковину.

Краківскы студенты орґанізуют 27. мая т.р. потупайку, яка зачне ся в клюбі Арка о 20.00 год. То уж третя того рода стріча. На влонишню зышло ся близко 100 осіб. І тым разом для студентів заграт Бурян, а пак, кєд силы дозволят, певно і самы присутны будут співати. Што основне – того рока не бракне лотерий. Покля што орґанізаторы лем повіли, же не будете мати над чым жаліти. Наконец, кєд дахто грат на дакым інструменті, най сміло го зо собом возме. 🙂

Інформация поміщена на просьбу орґанізаторів.