9. листопада/новембра т.р. минула 10. річниця смерти выдатного русиністы, професора, основателя і долголітнього ведучого катедры украіньской і русиньской філолоґіі Ніредьгазской Высшой Школы – Іштвана Удвария (чытайте за тым мотузком).
З той нагоды (а тот рік то тіж 65. річниця народжыня професора) Общество Русиньской Інтеліґенциі ім. Антония Годинкы і Самоуряд Русиньской Меншыны в Будапешті орґанізуют пропамятну конференцию, присвячену проф. Іштванови Удварийови, на котрій выступлят науковці, памятаючы, спілпрацуючы і доціняючы особу і науковий доробок того выдатного дослідника, котрий діял не лем в обшыри русиністыкы, але был ціненым і знаным во світі славістом.
![проф. Іштван Удварий (1950-2005)](https://www.lem.fm/wp-content/uploads/2015/11/Istvan_Udvari-223x300.png)
Детальний проґрам конференциі, котра одбуде ся 13. листопада/новембра в Будапешті, найдете долов.