«Радийочытальня»: Михал Дзіндзьо – субота, 18.00 год.

Запрашаме до выслуханя 24. одтинка «Радийочытальні». Днеска будеме споминати Михала Дзіндзьо, лемківского писатeля, якій походил з Красной.

Михал Дзіндьо зачал писати іщы на Лемковині. Писал вершы і записувал фольклор. Записал пару десятків народных лемківскых пісен. На основі зобраных материялів опрацувал збіркы «В Розділю на весіллю», «Лемківські хрестины» «Лемківські вечіркы». Але найбарже інтересуючы сут його авторскы, хоц в гідній мірі оперты на фактах з жытя, оповіданя анеґдотичного характеру, спомины і сміховинкы.

Просиме слухати авдицию 18. липця/юлия о 18.00 год.