Русиньскій та шаришскій фольклор в Бардийові

На неділю, 30. липця/юлия т.р., Русиньска Оброда на Словациі довєдна з Містом Бардиів та Шаришскым Музейом в Бардийові рыхтує культурну подію – Перегляд Русиньского та Шаришского Фольклору. Перегляд зачне ся о 14.00 год. і буде проходил в скансені, якій находит ся в Бардиівскых Купельох. В рамках богатого проґраму заплянувано выступы так фольклорных ансамблів, як і солистів. Серед них находят ся не лем танцювальны ансамблi, але тіж традицийны гудацкы капелі та співацкы ґрупы. Орґанізаторы закликали і ґрупы з русиньскых сел. Придут выступувати ансамблі м.ін. з Біловежы, Бехерова, Хмельовой ци Габуры. Попри тым заспівают солисткы: Мариянна Железна, Мария ай Петро Шуркалови ци Тамара Кухтова.

Подія є платна про дорослых 2 евро, діти – 1 евро. Перегляд русиньского фольклору є реалізуваний з підпором Уряду Влады Словацкой Республикы – проґрам Культура Народностных Меншын 2017.