Русины Америкы тіж ватруют

Орґанізация Лемко Союз орґанізує 9. серпня т.р. в Гіґанам в стані Конектікет (ЗША) русиньскій кєрмеш. Будут перогы, кобаскы, але тіж і типово американьскы стравы – готдоґы і гамбурґеры. Лемківскы пісні буде натоміст грал і міксувал ДіДжей Бортне – Штефан Дутканич.

Але то не вшытко, ватра попереджена буде двома поважнійшыма подіями.
Перша з них то 49. Конґрес Лемко Союза, в котрым участ може взяти каждий, голосувати лем члены. Початок конґресу 9.00 за часом американьскых Русинів.

Друга подія, котрій посвячений є такой цілий ден, то одданя чести і памяти жертвам Талергофу з років 1914-1917.
На 11.00 год. заплянувано одслужыити молебен до Пресвятой Богородиці і панахіду за вмерлых.

Дрібниці за мотузком.