lem.fm - Радийо Руской Бурсы
  • Радийо
    • Заповіди проґрамів
    • Порядок высыланя
    • Cлухай нас
    • Подкаст
  • Новины
    • Вісти
    • Культура
    • Подіі
    • Фафриндя і сконфіскуване
    • Інчы
    • Сумар дня
  • Погляды
    • Коментарі
    • Рецензиі
    • Бесіды
    • З істориі
    • З архівной пресы
    • З природы
  • Архів / Archive
    • Tur Tondos
    • Bocheński
  • Склеп / Shop
    • Книжкы
    • Платні

Кошык єст порожній.

No Result
View All Result
lem.fm - Радийо Руской Бурсы
  • Радийо
    • Заповіди проґрамів
    • Порядок высыланя
    • Cлухай нас
    • Подкаст
  • Новины
    • Вісти
    • Культура
    • Подіі
    • Фафриндя і сконфіскуване
    • Інчы
    • Сумар дня
  • Погляды
    • Коментарі
    • Рецензиі
    • Бесіды
    • З істориі
    • З архівной пресы
    • З природы
  • Архів / Archive
    • Tur Tondos
    • Bocheński
  • Склеп / Shop
    • Книжкы
    • Платні

Кошык єст порожній.

No Result
View All Result
lem.fm - Радийо Руской Бурсы
No Result
View All Result

Рыхтуєме ся до свята

Быти в тот ден разом - то гейбы найліпше, што може нас стрітити.

Севериян Косовскiй Севериян Косовскiй
19. 11. 2021
» Вісти
Рыхтуєме ся до свята

Малыма кроками ближыт ся 103. річниця фльориньского віче, якє дало початок Рускій Народній Республиці Лемків. 5. грудня/децембра єст і нашым нацийональным святом – Дньом Русинів в Польщы. З той нагоды Стоваришыня «Руска Бурса» в Ґорлицях і Стоваришыня Лемків просят вшыткых до спільного святкуваня.

https://www.lem.fm/wp-content/uploads/2021/11/108-109-perehlad-tyznia-den-rusyniw.mp3

Быти в тот ден разом – то гейбы найліпше, што може нас стрітити. Спільнотова памят позволит нам посвяткувати єден з радіснійшых дни в нашій істориі.

Зато тіж ден тот (річниці віче во Фльоринці) перед парома роками был запропонуваный Світовым Конґресом Русинів на святкуваня як раз нацийонального свята Лемків.

Символичне віче

В ден 103. річниці віче перше одбуде ся поіздка до Фльоринкы, жебы в долинці перед плебанійом, де перед роками зобрали ся нашы предкы на віче, вшанувати іх памят і ідею Республикы. На тоту част просит Стоваришыня Лемків.

Символичне віче во Фльоринці зачне ся ок. 13.30-14.00 год. Найбільшы упамятніня в тым місци проходили три рокы тому, в округлу – 100. річницю. Товды не повело ся поставити пропамятной таблиці в долинці перед плебанійом з причыны спротиву римокатолицкых костельных власти і Інституту Нацийональной Памяти.

Остаточно Інситут Нацийональной Памяти «вмыл рукы» од справы і поінформувал, што таблицю треба рішати з властителями ділянкы. Актуально Стоваришыня Лемків веде інтенсивны бесіды з ґміном Ґрибів і шолтысом Фльоринкы, якы отримали запрошыня на ближучы ся упамятніня. Кєд одповід власти буде позитивна – таблиця буде одкрыта правдоподібно не на костельным пляци, а на ділянці, яка належыт ґміні.

Наука і культура

Дальшым пунктом Дня Русинів в Польщы 2021 буде част зорґанізувана в ґорлицкій Рускій Бурсі. Зачне ся она о 15.00 год.

Др Анна Вільк выголосит выклад пн. «Довкола бадань над історийом і достоменністю Лемків». Цілю доповіди буде приближыти лемківску історию на фоні процесу выокремляня спільноты, як тіж гляданя власной лемківской достоменности в ситуациі украіньско-польской ривализациі.

Прелеґентка спомяне на найважнійшы історичны подіі, якы будували спільнотову силу Русинів на Лемковині. Др Вільк омовит діяльніст основных рухів на Лемковині: староруского, русофільского та украінофільского. Розповіст і про основаня республик на Лемковині, в тым політику польской державы, через выселіня до Росиі і выгнаня на західні землі в 1947 р.

Пак буде артистична част, в якій молода композиторка з чужыны, Дария Текля Кузяк, заграт свій авторскій концерт пн. «Од традициі до сучасности».

Кузяк запрезентує власны композициі – три творы. Першый з них то співанка в традицийній формі (інструменты і спів). Друга пісня буде выконана в при схоснуваню електронікы, а третя з них буде презентацийом твору в цілости електронічного.


ShareTweet

Повязаны дописы

Загальне зобраня членів Руской Бурсы в Ґорлицях

Загальне зобраня членів Руской Бурсы в Ґорлицях

27. 3. 2023
У Виноградові одсвятковали 100 років Общества Духновіча

У Виноградові одсвятковали 100 років Общества Духновіча

26. 3. 2023
Польковиці 103,8 МHz
Ґорлиці 106,6 MHz

Łemkowie są…

  • Ruska Bursa / Руска Бурса
  • Про наше радийо
  • Діґітальна біблiотека РБ
  • Знимкы
  • Контакт
lem.fm - Радийо Руской Бурсы
Радийо Руской Бурсы
Руска Бурса

Publikacja wyraża jedynie poglądy autora/ów i nie może być utożsamiana z oficjalnym stanowiskiem Ministra Spraw Wewnętrznych i Administracji.
Публикация выражат лем погляды автора/авторів і не може быти принимана як офіцияльне становиско Міністра Внутрішніх Справ і Адміністрациі.
Zrealizowano dzięki dotacji Ministra Spraw Wewnętrznych i Administracji.
© Copyright lem.fm, 2023. Вшыткы права застережены.

No Result
View All Result
  • Радийо
    • Заповіди проґрамів
    • Порядок высыланя
    • Cлухай нас
    • Подкаст
  • Новины
    • Вісти
    • Культура
    • Подіі
    • Фафриндя і сконфіскуване
    • Інчы
    • Сумар дня
  • Погляды
    • Коментарі
    • Рецензиі
    • Бесіды
    • З істориі
    • З архівной пресы
    • З природы
  • Архів / Archive
    • Tur Tondos
    • Bocheński
  • Склеп / Shop
    • Книжкы
    • Платні