Шевченко в Театрі Александра Духновіча

На 20-го децембра 2013 р. собі Театер Александра Духновіча в Пряшові про своїх позерачів приготовив нову премєру під назвов „Самотність“.

Пєса сучасного київского писателя, сценарісты і філмового режісера Олександра Денисенка в режії Яны Трущіньской-Сивой понукать погляд на ґеніалного україньского писателя, поета, драматіка, маляря і мыслителя Тараса Шевченка. Остатні рокы рокы жывота великого „Кобзаря“, прославльованого і ганеного, плынуть в Санкт Петербурґу. Ту його честує художна еліта, ненавідить царьскый двір і міджі його приятелями є веце удавачів і такых, котры прижывлюють ся на його славі… Шевченко з підломеным здоровльом багне на кінцю жывота по щірой любви і покійнім родинным щастю. Його туга але зіставать ненаповнена.

Пєса є в україньскім языку і є посвячена 200. юбілею народжіня того великана.

Жрідло: Подля матеріалів ТАД протлумачів Петро Медвідь

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА