Сумар дня на 14. марця 2024 р.

Приносиме вам сумар медияльной ґрупы ЛЕМ.фм+ на ден 14. марця 2024 р.

Припоминаме: мож придбати «Річник Руской Бурсы»

Кінцьом 2023 р. явил ся дальшый номер часопису «Річник Руской Бурсы». Tо печатаный од 2005 рока, і як дотепер – єдиный істо науковый часопис лемківской меншыны. Головном темом посліднього номеру є лемківска/русиньска штука. «Річник Руской Бурсы» находит ся і на списку пунктуваных науковых часописів Міністерства Наукы і Едукациі, є тіж індексуваный м.ін. в базі ERICH PLUS, Directory of Open Access Journals, Central & Eastern European Academic Source ци The Central Europeasn Journal of Social Sciences and Humanities. Окрем того публикация піддавана єст дорічній евалюацийній оціні через Index Copernicus International Journals Master List, a тіж має свій ідентифікатор DOI. В послідным Річнику найдете дописы: Олены Дуць-Файфер, Тадеуша Лопаткєвича, Михала Шымко, Каміля Федериґы, Домінікы Цєпляк, Ніка Купеньского, Любы Кральовой, Яны Трушіньской-Сивой і Анны Симковой. «Річник Руской Бурсы» єст одкрытым часописом, што означат, же єст доступный в діґітальній версиі, безплатні, без конечности реґістрациі в сервісі часопису.

Стріча представників СКУтНіЕМ з віцеміністер едукациі

Представникы меншыновой страны Спільной Комісиі Уряду та Нацийональных і Етнічных Меншын, Григорий Куприянович, Рафал Бартек і Альґірдас Вайчекаукас (Vaicekauskas) стрітили ся 13. марця з віцемістер едукациі Катажыном Любнауер. Вчас стрічы рішено темы повязаны з меншыновом дукацийом. Представникы меншыновой страны звертали увагу на потребу реформы меншыновой освіты, а тіж привели ріжного рода проблемы. Віцемістер Любнауер задеклярувала готовіст спілрацы уряду в ціли выправуваня позитивных розязань в тій обшыри.

Памяткы міста Пряшів

Публика може запропонувати даяку памятку міста Пряшова, жебы была вписана до реґістру памяток. Про тот рік темом єст 110. річниця початку І світовой войны. Заінтересуваны можут пропозициі предкладати в трьох катеґориях. Першом сут обєкты містецкого значыня, котры мают історичну, соспільну, урбаністичну, архітектонічну, наукову, технічну, вытварну ци умелецко-ремесельну цінніст і не сут евіденцийонуваны як культурны памяткы в Центральным Списку Памяткового Фонду Словацкой Республикы. Дальшом катеґорийом сут комбінуваны творы природы і чловека. Зголошыня мож пущати до 30. квітня/апріля почтом або майльом. Місто Пряшів веде свою евіденцию памяток од 2009 р. і днес є в ним записаных цілком 60 памяток.

Семінар з карпаторусиністикы

Конґрес Жен Мідьовой Обшыри