Свіжа «Бесіда» з календарьом на 2018 рік
Кінцьом 2017 рока напечатаний остал послідній номер часопису «Бесіда» (но. 6 (159), листопад-груден 2017), в котрым окрем шырокого змісту находит ся і долучений «Календар Бесіды» на 2018 рік.
Традицийно што рік, в остатнім номері текучого рока, редакция часопису долучат календар, в котрым найти мож інформациі про церковны праздникы і імянины на каждий ден. В ґазеті мож прочытати м.ім. про:
- Моніка Тылявска, Початок шкільного рока в Рускій Бурсі;
- Олена Дуць-Файфер, Высока позиция лемківскых дослідників і лемкознавчых досліджынь;
- Севериян Косовскій, Нове (старе) село в ґміні Устя Рускє?;
- Штефан Косовскій, Екскурсия в рідны Горы;
- Севериян Косовскый, Додрук книжкы Piorunka – Перунка і jej mieszkańcy;
- Наталія Клинковска – «Поета, писатель, артиста (…) але предовшыткым Лемко – горяче серце Лемковины» – ювілей Петра Мурянкы в Креници;
- Анна Рыдзанич, 25. раз не лем поетычні;
- Петро Медвідь, Ювілей Михаіла Капраля;
- Севериян Косовскій – Покыван-Іван в Ванівці. 70 років Нелі Шейко Медвєдєвой;
- Ваньо Дзядик – Християньска Кападокія (2) – серия National Geographic або Подорожы Лемків;
- Севериян Косовскій – В Ізбах поставлено другій памятник.
Окрем поміненых выже дописів, в найновшым чыслі «Бесіды» находят ся спомины на померлого недавно бл. п. проф. Збіґнєва Сятковского. Не бракує ани фалатків прозы і поезиі, выімків з доступной пресы, котры тыкают лемківскых справ, та інчых постійных рубрик, як поезия, ци Амрозовы передуманя.
Двомісячник «Бесіда» то часопис Головного Заряду Стоваришыня Лемків, выходит од 1989 рока, присвячений єст збережыню істориі, культуры і языка Лемків, інформуючий о жытю нашой і братніх нам соспільности, плекаючий вірні надіі прадідів і вітців.
«Бесіду» мож почытати в бібліотеці Руской Бурсы в Ґорлицях, котра отворена єст од понеділька до пятниці в год. 08.00-16.00, або по індивідуальным догваріню в інчым терміні. Ґазета є тіж доступна в локальных Кружках Стоваришыня Лемків в Польщы.
