Голосник

Трансмісия НАЖЫВО з ювілею «Ластівочкы» – Х Стрічы Трьох Поколінь з Лемківском Культуром – 16.30 год.

Мило нам поінформувати, же до днешніх подій, котры орґанізує кружок Стоваришыня Лемків в Пшемкові, можеме доложыти дашто од себе. Окрем того, же Лем.фм являт ся медияльным патроном двойного ювілею, днес уж од 16.30 год. будеме вести трансмісию НАЖЫВО з Містецкого Осередка Культуры, Спорту і Рекреациі в Хойнові. То там буде проходило днешнє свято, котре зачне ся о 17.00 год., а звязане буде з 15-літьом Лемківского Ансамблю Пісні і Танця «Ластівочка» і ювілейном десятом едицийом Стріч Трьох Поколінь з Лемківском Культуром.

То такой традиция, понеже і влони могли сме нажыво трансмітувати попередню едицию подіі, котра одбыла ся 7. листопада/новембра 2015 р. в Пшемкові. Товды же шеф ансамблю, Євген Габура, повіл до нашого радия пару слів о істориі Стріч:

Влони Євген Габура бесідувал тіж  о деякых плянах ансамблю, котрыма на днес «Ластівочка» може ся шыроко хвалити. То м.ін. отриманя цертифікату медженародовой орґанізациі CIOFF (чытайте за мотузком):

Хоц ведіня ансамблю «Ластівочка» і діточой ґрупы «Ластівчата та орґанізация Стріч Трьох Поколінь з Лемківском Культром то найшырше знаны приміры діяльности пшемківского кружка Стоваришыня Лемків, то не вшыткій простір активности. Споминал о тым влони для нашого радия ведучий СЛ, Андрий Копча:

Успішні проведена девята едиция Стріч Трьох Поколінь з Лемківском Культром была такой початком думаня о днешнім двойным ювілею:

Запрашаючы на днешню трансмісию НАЖЫВО з Містецкого Осередка Культуры, Спорту і Рекреациі в Хойнові, уж тепер желаме ансамбльови «Ластівочка» наступных пятнадцеток, Стрічам – наступных десяток, а кружкови Стоваришыня Лемків в Пшемкові дяльшых успіхів в його діяльности.

Шеруй.

О авторі

Демко Трохановскій

Актуальні ховат дві дівкы, а медже, по і попри тым - редактор інтернетового порталю lem.fm. Любитель языків. Вшыткых языків.

Коментарі