В липци 2013 рока, част соспільных і культурных орґанізаций, але і што пречудне – прицерковне згрупуваня, підписало внесок до Міністра Адміністрациі і Цифризациі о одкликаня передставників Комісиі Спільной Уряду і Меншын (в тым лемківского, проф. Олены Дуць-Файфер).
За арґументами внескуючых, дотеперішні передставникы не репрезентуют іх інтересів і зато просят іх змінити.
Міністер, взгоді з принятом практыком, провьюл соспільны консультациі. Пак рішыл одкликати лем єдного передставника, ведучого Обьєднаня Лемків – пана Штефана Гладика. Мож речы, што привернена остане історычна справедливіст, зато же ведучий ОЛ рішыньом Міністра был нашмарений Лемкам 8 років тому назад.
Ініцияторе внеску о одкликаня консультували го з Обєднаньом Лемків смотр – [Ватра но. 2(81) 2013, стр. 23] , а його головном цілью было звекшыня влияня Обєднаня Лемків і депрецияция тых лемківскых орґанізаций, котры мают за головны еманципацийны стремліня. Внескодавці приняли на стрічы в Высові, же єден передставник Лемків до Комісиі Спільной буде з наданя Обьєднаня Лемків, а другій – за згодом Обьєднаня Лемків. Інчы мали лем до того пляну ся прилучыти і го зреалізувати.
Коментарі