Радийо лем.фм, котре окрем того, же єст жывым радийом, любит піти ту і там, гын і гев, жебы передати Вам НАЖЫВО реляцию з даякой подіі. Так было і недавно, коли нажыво трансмітували сме оба фестівальовы дни ІХ Медженародного Бієнале Лемківской/Русиньской Культуры в Креници, котре проходило в днях 27.-28. мая 2016 р., а його орґанізаторами были Стоваришыня Лемків, Світова Рада Русинів і Містецкій Уряд в Креници.

Одкрытя выставы русинькых творців вчас креницкого Бієнале 2016

По офіцияльным одкрытю бієнале, котре зачало ся зложыньом квітя на гробі Епифана Дровняка – Никыфора, пак по поході спід його памятника до креницкой пияльні і одкрытю выставы русиньскых творців, вшыткы подіі перенесли ся на концертову сцену, на котрій в перший ден выступили: Ластівочка, Русинята, Мирослава Копинец і Фатьовы, а перший ден IX Медженародного Бієнале Лемківской/Русиньской Культуры в Креници завершыл ся пєсом «О двох ґенералах» єдиного во світі професийонального русиньского театру – Театру Александра Духновича в Пряшові.

Сценоґрафія пєсы «О двох ґенералах» Театру Александра Духновича в Пряшові

Помедже концертами і спектакльом ТАД до нашого мобільного студия пришли побесідувати орґанізаторы бієнале: Штефан Лявинец, шеф Світовой Рады Русинів, і Андрий Копча, ведучий Стоваришыня Лемків.

Вшытко тото почуєте в ретрансмісиі першого дня IX Медженародного Бієнале Лемківской/Русиньской Культуры, котре будеме высылати 6. червця/юнія 2016 р. о 20.30 год. в радию лем.фм, котре было тіж єдным з медияльных партнерів креницкой подіі. На другу част ретрансмісиі запрашаме в найблизшу пятницю, 10. червця/юнія 2016 р. до нашого ефіру.

Мобільне студийо радия лем.фм на креницкым Бієнале 2016

Радийо лем.фм, котре окрем того, же єст жывым радийом, любит піти ту і там, гын і гев, жебы передати Вам НАЖЫВО реляцию з даякой подіі. Так было і недавно, коли нажыво трансмітували сме оба фестівальовы дни ІХ Медженародного Бієнале Лемківской/Русиньской Культуры в Креници, котре проходило в днях 27.-28. мая 2016 р., а його орґанізаторами были Стоваришыня Лемків, Світова Рада Русинів і Містецкій Уряд в Креници.

Одкрытя выставы русинькых творців вчас креницкого Бієнале 2016

По офіцияльным одкрытю бієнале, котре зачало ся зложыньом квітя на гробі Епифана Дровняка – Никыфора, пак по поході спід його памятника до креницкой пияльні і одкрытю выставы русиньскых творців, вшыткы подіі перенесли ся на концертову сцену, на котрій в перший ден выступили: Ластівочка, Русинята, Мирослава Копинец і Фатьовы, а перший ден IX Медженародного Бієнале Лемківской/Русиньской Культуры в Креници завершыл ся пєсом «О двох ґенералах» єдиного во світі професийонального русиньского театру – Театру Александра Духновича в Пряшові.

Сценоґрафія пєсы «О двох ґенералах» Театру Александра Духновича в Пряшові

Помедже концертами і спектакльом ТАД до нашого мобільного студия пришли побесідувати орґанізаторы бієнале: Штефан Лявинец, шеф Світовой Рады Русинів, і Андрий Копча, ведучий Стоваришыня Лемків.

Вшытко тото почуєте в ретрансмісиі першого дня IX Медженародного Бієнале Лемківской/Русиньской Культуры, котре будеме высылати 6. червця/юнія 2016 р. о 20.30 год. в радию лем.фм, котре было тіж єдным з медияльных партнерів креницкой подіі. На другу част ретрансмісиі запрашаме в найблизшу пятницю, 10. червця/юнія 2016 р. до нашого ефіру.

Мобільне студийо радия лем.фм на креницкым Бієнале 2016