Віртуальны вандрівкы по Ґорлицкым Бескіді

Стоваришыня ЛҐД (Локальна Ґрупа Діяня) “Бескід Ґорлицкій” реалізує проєкт під наголовком “Віртуальне звиджаня туристычных атракций”. Ідейом проєкту є розвиток туристыкы, опертой на природничій і культуровій спадковиі. В рамках проєкту плянуване єст выконаня віртуального обзераня, т.є зробліня панорамічных знимок, зложеных в мультімедияльны презентациі, котры дадут можніст перезераня объєкту, або обшыри, в просторі 360×180 ступенів. Дотепер остало выконаных 200 з плянуваных 450 панорам. Закінчыня цілости плануване єст на переломі мая і червця того рока попри влучыню інтернетового сайту. ЛҐД працує тіж над авдийопутівниками по реґіоні. Будут они оповідати о істориі, культурі і традиці выбраных етнічных, етноґрафічных і народовых ґруп  – Жыдів, Лемків і Поґужан в такій спосіб, жебы туриста, звиджаючы окрислене місце, міг го сой уявити і рівночасно быти спілучастником штоденного жытя тых люди.

Інформация подана за ґорлицкым додатком до Краківской Ґазеты – Ґазета Ґорлицка.