Голосник

Модерна ініциятива Американьской Карпато-Русиньской Єпархіі

В тым році православна Американьска Карпато-Русиньска Єпархія рішыла в новий спосіб прирыxтувати своіx вірныx до праздника Різдва Хрстового через модерны розвязаня, котры дадут змогу вірным в цілій Америці схоснувати іх спільні. Окрем филипівковых літургій, заплянувано цикль прелекций, якы будут чытаны в каждий віторок в церкви Христа Спасителя в Джонставн, ПА. Што важне, хоснуючы модерны технолоґіі, прелекциі буде мож обізрити через інтернет.

Прелекциі будут одбывати ся од 2. грудня в каждий віторок о 19.00 год. (за сxідньоамериканьскым часом). Члены Американьской Карпато-Русиньской Єпархіі будут зберати ся в групаx, жебы спільні обзерати тоты прелекциі. Сеса ініциятива орґанізувана єст Дуxовном Семінарийом Христа Спасителя разом з катедральным Собором Христа Спасителя при спілпрацы з єпархіяльном єдиницьом, котра занимат ся справами інформацийной теxнолоґіі і комунікациі.

Більше о тым прочытате за тым мотузком.


Карпаторусиньска Православна Єпарxія Америкы наxодит ся під юрисдикцийом православного Вселеньского Патріархату. Приналежат до ней еміґранты з обшыри Карпатской Руси і іx потомкы, якы жыют в Америці. Єпарxія основана была в 1937 р., а в вересни 1938 рока принята патріарxом Веніямином І під крыла Вселеньского Патріархату. Єй першым єрархом был роджений іщы в Старым Краю, в селі Ортутова к. Бардийова – єпископ Орест Чорняк (1883-1977).

Шеруй.

О авторі

Павел Ханас

Новеско-лабівскій любитель істориі Балканів і габсбуржской монархіі. Обсерватор розвитку медженародовой політикы і русиньской культуры во вшыткых куточках світа.

Коментарі