Конкурс на ґрафічний знак Сандецкого Етноґрафічного Парку

Округовий Музей в Новым Санчы оголосил конкурс на ґрафічний знак Сандецкого Етноґрафічного Парку, якій єст одділом того же Музею. Пропозициі мож присилати до 31. липця т.р. До выграня сума 2000 зл.

Знак винен быти модерний, єднозначні асоциювати ся з Сандецкым Етноґрафічным Парком (вказувати на його специфіку), а окрем того не може мати односин до лоґо Округового Музею в Новым Санчы. Додатково інтеґральном частю ґрафічного знаку мусит оставати назва одділу: Сандецкій Етноґрафічний Парк.

Знак, котрий выграт, буде хоснуваний до промоцийных, коресппонденцийных та ідентифікацийных ціли. Особливо буде поміщаний на плякатах, летучках, реклямах, промоцийных ґаджетах, або в інтернеті.

Конкурс єст отворений, єден участник може прислати найбільшф 2 проєкты. Полний реґулямін і протрібны залучникы найдете за тым мотузком.

Того рока Сандецкій Етноґрафічний Парк празднує 40. річницю свого істнуваня. Більше до почытаня про Парк писали сме гев.