Голосник

Молитва за Богданом

Перед місяцьом, 2. липця/юлия 2020 р., перестало бити серце Богдана Ґамбаля, вельолітнього ведучого Стоваришыня «Руска Бурса» в Ґорлицях, основателя і шефредактора радия ЛЕМ.фм, нашого приятеля. Просиме на спільну молитву за душу упокоєного 9. серпня/авґуста 2020 рока на 14.00 год. до села Чарна на Лемковині на місцевый цмонтір.

Як раз, 10. серпня/авґуста припадат 40 дни, коли вмер єден з найвызначнійшых сучасных Русинів, бл. п. Богдан Ґамбаль. Панихіда за вмерлым заплянувана є о ден скорше, в неділю 9. серпня/авґуста о 14.00 год. Знаме, што вельо з Вас не было в силі, жебы поіхати на похорон, котрый проходил в самій середині тыжня, 8. липця/юлия, аж на далекій Чужыні, зато на спільну молитву просиме тепер. Панихіда правлена буде при родинным памятнику родины Ґамбалів на цмонтери в селі Чарна, котре было близкє Богданови. Служыл буде о. Ярослав Чухта.

Перед панихідом буде можніст зайти і до чарняньской церкви, яка на тот час буде отворена, а з котром сусідує цмонтір.

Реляцию з похорону можете почытати гев, обізрити гев, а нашы спомины і коментарі іщы гев, гев і гев. Короткій біоґрам Богдана найдете в тым місци.

Шеруй.

О авторі

Наталія Малецка-Новак

Хоц по школі інжынєр, то не тыкат ся роботы по тзв. фаху ;) Зато уж од вельо років доносит о вшыткым, што ся діє на Лемковині. І не лем. Штоденньо од 11.00 год. веде lifestyle'овый проґрам «Пачісна година» , а в суботы о 9.00 год. чытат для Вас порталь. Контакт: natalia@lem.fm

Коментарі